Shikwa-e-Programmer - With due respect to Allama Iqbal

Hum say pehlay tha teri product ka ajab manzar

Kahin code tha phatta kahin functionality thee sifer

Mehv-e-Khuwab-e-Khurgoosh thee PM ke Nazar

Manta phir koi mujh jaisay coder koo kyounker

Tujh koo maloom hay bikta tha kiya Software tera?

Aakhir meeri he product nay kiya kaam tera?

Bus rahay thay yahin PM bhee, consultants bhee

Ahle QA, SQA main cabins main architects bhee

Issi floor per aabad thay marketers bhee

Issi duniya main Analyst bhee thay designers bhee

Per teray clients kee mushaq'qatain uthain kis nay?

Baat jo bigri hovi thee woo banai kis nay?

Thay hamein aik teray mourka aaraon main

Kabhi office main kee coding kabhi Khala'aon main

Dein client koo kabhi topiyan hawaon main

Kabhi patch main, kabhi exe main kabhi sadaon main

Shaan aankhon main na jachti thee Jahandaron ke

Jeetay martay thay hum chao'on main talwaroon ke

Hum joo jeetay thay too coding ke musebat kay liyay

Or martay thay company ke Azmat kay liyay

Us pay shikwa kay kee coding apraisal kay liyay!

Raat bhar kaam keya kartay thay kiya phokat kay liyay?

Coders itna he agar khush hoota too wafa karta!

Four thousand kay liyay kabhi job swith na karta

Kuch na khatay thay agar office main ruk jaatay thay

Paaon TL kay bhee maidan say ukhar jaatay thay

Bug jo sirkush hova koi too bigar jaatay thay

Interface kiya cheez hay hum code main ghus jaatay thay

Code phat chuka thaa joo aakhir woo chalaya kis nay?

Bhund joo Mgmt ka thaa uskoo nibhaya kis nay?

Aagaya ain coding main agar waqt-e-namaz

Qibl-ru-ho kay zameen boas hoi apni zaat

Aik he suf main kharay hoo ga'ay TL kay sath

Na koi TL raha or na koi PM yaad

Banda-e-Sahib-O- Muhtaj-o-Ghani aik hovay

Uspay shikwa hay kay hum panch minute late hovay